નવા વર્ષની સાથે-સાથે દેશમાં થશે ઘણા ફેરફાર
Mnf network: નવા વર્ષની શરુઆતમાં આ મોટા ફેરફારો
બેંક લોકર કરારમાં સુધારો
UPI યુઝર્સે જો છેલ્લા એક વર્ષથી ટ્રાન્ઝેક્શન નથી કર્યું તો UPI ID બંધ થઈ જશે
નવું સિમ કાર્ડ મેળવવા માટે E-KYC ફરજિયાત
અપડેટેડ ITR ફાઇલિંગ
1. બેંક લોકર કરારમાં સુધારો
ભારતીય રિઝર્વ બેંક (RBI) એ બેંક લોકર કરારમાં સુધારો કર્યો છે. આ અંતર્ગત યુઝર્સને નિર્ણય લેવા માટે 31મી ડિસેમ્બર સુધીનો સમય આપવામાં આવ્યો છે અને આ સમયમર્યાદા 1લી જાન્યુઆરીએ પૂરી થઈ રહી છે. આરબીઆઈએ તમામ બેંકોને તેમના ગ્રાહકોના લોકર કરારમાં સુધારો કરવા કહ્યું.
2. UPI યુઝર્સે જો છેલ્લા એક વર્ષથી ટ્રાન્ઝેક્શન નથી કર્યું તો UPI ID બંધ થઈ જશે
જાન્યુઆરીની 1 તારીખ UPI પેમેન્ટ કરનારા યુઝર્સ માટે પણ ખાસ છે. કેમકે નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ Paytm, Google Pay, Phone Pay જેવી ઓનલાઈન પેમેન્ટ એપના UPI આઈડીને બ્લોક કરવાનો નિર્ણય લીધો છે, જેનો ઉપયોગ છેલ્લા એક વર્ષ કે તેથી વધુ સમયથી થઈ રહ્યો નથી. તે UPI ID બંધ થઈ જશે. જો તમારી પાસે પણ આવું UPI ID છે, તો તમારે તરત જ ટ્રાન્ઝેક્શન કરવું જોઈએ.
3. નવું સિમ કાર્ડ મેળવવા માટે E-KYC ફરજિયાત
1લી જાન્યુઆરીથી થવા જઈ રહેલા ફેરફારોની યાદીમાં આગળ ટેલિકોમ સેક્ટર સાથે સંબંધિત છે. ટેલિકોમ વિભાગ 1 જાન્યુઆરીથી સિમ કાર્ડ માટે પેપર આધારિત KYC પ્રક્રિયાને સમાપ્ત કરવા જઈ રહ્યું છે.
4. અપડેટેડ ITR
ફાઇલિંગઇન્કમ ટેક્સ ફાઇલ કરવાની છેલ્લી તારીખ 31મી જુલાઈ 2023 હતી, પરંતુ જેમણે નિયત તારીખ સુધી આ કર્યું નથી, તેઓને 31મી ડિસેમ્બર એટલે કે આજે છેલ્લો દિવસ છે. અપડેટેડ ITR આ સમયમર્યાદા સુધી લેટ ફી સાથે ફાઇલ કરી શકાય છે. દંડની વાત કરીએ તો, તે આવક પ્રમાણે બદલાય છે. જો કરદાતાની આવક 5,00,000 રૂપિયાથી વધુ હોય તો 5,000 રૂપિયા સુધીનો દંડ ભરવો પડશે. જ્યારે આવક 5,00,000 રૂપિયાથી ઓછી હોય તો દંડની રકમ 1000 રૂપિયા હશે.
નવા વર્ષની સાથે વાહન ખરીદવું પણ મોંધુ
આ મોટા ફેરફારો ઉપરાંત 1 જાન્યુઆરીથી આવા ઘણા ફેરફારો જોવા મળશે, જેની સીધી અસર તમારા ખિસ્સા પર પડી શકે છે. જેમાં વીમા કંપનીઓ માટે નવા નિયમોનો સમાવેશ થાય છે. વીમા નિયમનકાર IRDA એ વીમા કંપનીઓને ગ્રાહકોને અલગથી પોલિસી સંબંધિત મુખ્ય માહિતી પ્રદાન કરવા જણાવ્યું છે. આ સિવાય 1 જાન્યુઆરી, 2024થી દેશમાં વાહન ખરીદવું મોંઘું થઈ શકે છે. ટોયોટા સહિત કાર ઉત્પાદક કંપનીઓ મારુતિ, મહિન્દ્રા, કિયા, હ્યુન્ડાઈ, હોન્ડા અને ટાટાએ તેમના કોમર્શિયલ વાહનોના ભાવમાં 2 ટકા સુધીનો વધારો કરવાની તૈયારી કરી છે. આ સાથે જાન્યુઆરી મહિનામાં બેંકોમાં બમ્પર રજાઓ છે, જેના કારણે જાન્યુઆરી મહિનામાં 16 દિવસ બેંકો બંધ રહેશે.
