યોગી આદિત્યનાથ બન્યા દેશના સૌથી લોકપ્રિય CM,અરવિંદ કેજરીવાલને પાછળ ધકેલ્યા
Mnf network: ઉત્તર પ્રદેશના મુખ્યમંત્રી યોગી આદિત્યનાથની લોકપ્રિયતા સોશિયલ મીડિયા પર સતત વધી રહી છે. X (Twitter) પ્લેટફોર્મ પર ફોલોઅર્સની બાબતમાં દેશના મુખ્યમંત્રીઓમાં સીએમ યોગી પ્રથમ સ્થાને આવી ગયા છે.
જ્યારે ભારતીય રાજનેતાઓમાં સીએમ યોગી લોકપ્રિયતાના મામલામાં ત્રીજા સ્થાને છે. હાલમાં જ સીએમ યોગી આદિત્યનાથના પર્સનલ એક્સ એકાઉન્ટે 27.4 મિલિયન ફોલોઅર્સનો આંકડો પાર કર્યો છે.
X પર વડાપ્રધાન નરેન્દ્ર મોદીના 95.1 મિલિયન ફોલોઅર્સ છે
CM યોગી હવે રાજકારણીઓના અંગત ખાતાના મામલામાં માત્ર વડાપ્રધાન નરેન્દ્ર મોદી અને ગૃહમંત્રી અમિત શાહથી પાછળ છે. સાથે જ તેણે દિલ્હીના મુખ્યમંત્રી અરવિંદ કેજરીવાલને પણ પાછળ છોડી દીધા છે. X પર કેજરીવાલના 27.3 મિલિયન ફોલોઅર્સ છે. સીએમ યોગી આદિત્યનાથની સોશિયલ મીડિયા પહોંચ રાહુલ ગાંધી અને સપા પ્રમુખ અખિલેશ યાદવ કરતા ઘણી વધારે છે. X પર રાહુલ ગાંધીના 24.8 મિલિયન ફોલોઅર્સ છે અને અખિલેશના 19.1 મિલિયન ફોલોઅર્સ છે.
