News Impact/ રાધનપુર પાલિકા તંત્ર સફાળું જાગ્યું : ચીફ ઓફિસરે કરી પ્રશંસનીય કામગીરી
રાધનપુર તાલુકાના ચીફ ઓફિસરની પ્રશંસનીય કામગીરી
મોર્નિંગ ન્યુઝ ફોકસ ની વેબસાઈટ પર પ્રસિદ્ધ થયેલ અહેવાલને લઈ તાત્કાલિક ભર્યા પગલાં
લાટી બજારમાં ફેલાયેલ ગંદકીનું સામ્રાજ્ય કરાવ્યું દૂર
વેપારીઓમાં ખુશીની લહેર વ્યાપી ગઈ
મોર્નિંગ ન્યુઝ ફોકસ (મનુભાઈ ઠક્કર -રાધનપુર) : પાટણ જિલ્લાના રાધનપુર ખાતે લાટી બજારના વેપારીઓએ આસપાસ ગંદકીના ઢગલા ને લઈને નારાજગી વ્યક્ત કરી હતી તેમજ અવારનવાર ઉભરાતી ગટરોને લઈને તેમણે તાત્કાલિક પગલાં ભરવા રજૂઆત કરી હતી.
ત્યારે મોર્નિંગ ન્યુઝ ફોકસ અખબારની સમાચાર વેબસાઈટ પર આ અહેવાલ પ્રસિદ્ધ થતા સમગ્ર ઘટના ચીફ ઓફિસરના ધ્યાને આવતા તાત્કાલિક તેમણે પગલાં ભર્યા હતા.
રાધનપુર લાટી બજાર વિસ્તારમાં છેલ્લા કેટલાય સમયથી ગંદકી અને ઉભરાતી ગટરના પાણીની સમસ્યા ની ફરિયાદ નો અહેવાલ મોર્નિંગ ન્યુઝ ફોકસ અખબારની વેબસાઈટ પર પ્રસિદ્ધ થતા પાલિકાના ચીફ ઓફિસરના ધ્યાને આ સમગ્ર ઘટના આવી હતી અને આજે રવિવારના દિવસે અહેવાલ પ્રગટ થયાના માત્ર ગણતરીના કલાકોમાં જ લાટી બજારમાં તાત્કાલિક યુદ્ધના ધોરણે સફાઈ હાથ ધરાઇ હતી.
આમ રવિવારના દિવસે પણ એક્શન મોડ માં આવેલા ચીફ ઓફિસરની આ કામગીરીથી આ વિસ્તારના વેપારીઓએ પણ આનંદની લાગણી વ્યક્ત કરી હતી
