ટાટા કંપનીને મોટો ફટકો, ઓક્સફોર્ડ યુનિવર્સિટીએ ટેકનિકલ ખામી બાદ રદ કરી આ
Mnf network: ભારતની સૌથી મોટી IT કંપની TCSને મોટો ઝટકો લાગ્યો છે. બ્રિટનની ઓક્સફર્ડ યુનિવર્સિટીએ ટાટા ગ્રુપની કંપનીને આ ઝટકો આપ્યો છે. વિશ્વની ટોચની યુનિવર્સિટીઓમાંની એક ઓક્સફોર્ડે ટેકનિકલ ખામી બાદ TCS સાથેની ડીલ રદ કરવાનો નિર્ણય લીધો છે.
ઓક્સફોર્ડ યુનિવર્સિટીની ઓનલાઈન એડમિશન ટેસ્ટમાં ઘણા વિદ્યાર્થીઓને ટેકનિકલ સમસ્યાઓનો સામનો કરવો પડ્યો હતો. આ કારણે ટાટા કન્સલ્ટન્સી સર્વિસિસ સાથેની ડીલ સમાપ્ત કરવાનો નિર્ણય લેવામાં આવ્યો હતો. પ્રવક્તાએ કહ્યું કે હવે TCS દ્વારા ઓક્સફોર્ડ યુનિવર્સિટીની પ્રવેશ પરીક્ષાઓ લેવામાં આવશે નહીં.
ઓક્સફોર્ડ યુનિવર્સિટીને ખૂબ જ પ્રતિષ્ઠિત ગણવામાં આવે છે અને તેનું નામ સતત વિશ્વની ટોચની શૈક્ષણિક સંસ્થાઓમાં સામેલ કરવામાં આવે છે. ભારતના ભૂતપૂર્વ વડા પ્રધાનો ઈન્દિરા ગાંધી અને મનમોહન સિંહ સહિત ઘણા અગ્રણી ભારતીયોએ ઓક્સફોર્ડ યુનિવર્સિટીમાંથી અભ્યાસ કર્યો છે.
ઓક્સફોર્ડે યુનિવર્સિટી ઓનલાઈન ટેસ્ટ દ્વારા વિશ્વભરમાંથી કેટલાક લોકોની પસંદગી કરે છે. તેઓ બ્રિટનના વિવિધ ભાગોમાં આવેલી ઓક્સફર્ડ યુનિવર્સિટીની વિવિધ કોલેજોમાં ટેસ્ટ દ્વારા પ્રવેશ મેળવે છે. ઓક્સફોર્ડ યુનિવર્સિટી હેઠળ લગભગ 30 કોલેજો છે, જ્યાં વિવિધ વિષયોમાં સ્નાતક અને અનુસ્નાતક ડિગ્રીઓ ભણાવવામાં આવે છે.
..
