સુરત : સૌથી મોટું કદ ધરાવતું બજેટ : સુરત ગ્રોથ હબ ઇકોનોમિકસ પ્લાન 2047 નું આયજન : શાલિની અગ્રવાલ, SMC કમિશ્નર

મોર્નિંગ ન્યુઝ ફોકસ ( જશવંત પટેલ ) : ગુજરાતનું ગ્રોથ એન્જિન એવા ઐતિહાસિક શહેર સુરત મહાનગર પાલિકાનું મનપા કમિશનર શાલિની અગ્રવાલ દ્વારા વર્ષ 2025-26નું ડ્રાફ્ટ બજેટ સ્ટેન્ડિંગ કમિટી સમક્ષ મૂકવામાં આવ્યું છે. 

ડ્રાફ્ટ બજેટ અંગે સુરત મ્યુનિસિપલ કમિશનર શાલીની અગ્રવાલ એ જણાવ્યું હતું કે, વિકસિત ભારત 2047ના પરિપ્રેક્ષ અંતર્ગત સુરત ગ્રોથ હબ ઇકોનોમિક્સ પ્લાન 2047 બનાવવામાં આવ્યું છે. જે અંતર્ગત સુરત શહેરને ગ્લોબલ ગ્રોથ હબ સીટી, ઇકોનોમિક સિટી, મોસ્ટ લિવેબલ સિટી, સસ્ટેનિબલ એન્ડ રિઝીલિયન્ટ સિટી બનાવવા માટે ડ્રાફ્ટ બજેટ રજૂ કરવામાં આવ્યું છે, જે અત્યાર સુધીનું સૌથી મોટું કદ ધરાવતું બજેટ હોવાનું પાલિકા કમિશનરે જણાવ્યું હતું.

બજેટ પર એક નજર......

સુરત મહાનગરપાલિકા નું સૌથી મોટું ઐતિહાસિક વધારાના કરબોજા વગરનું બજેટ

સાઉથ ગુજરાતનું સૌથી મોટું સ્પોર્ટ સ્ટેડિયમ બનાવવાનું આયોજન 

સાઉથ ગુજરાતનો સૌથી મોટો ન્યુટ્રીશન પાર્ક બનાવવાનું આયોજન 

સુરત શહેરને ' ભારત બજાર ' તરીકે વિકસાવવાનું આયોજન 

સુરત કોમ્પ્રિશન્સિવ મોબિલિટી પ્લાન્ટ 2047

સુરત ઇન્ટીગ્રેટેડ લોજિસ્ટિક પ્લાન્ટ 2047

મેગા સ્કીલ ડેવલપમેન્ટ નું આયોજન

ડિઝાસ્ટર મેનેજમેન્ટ એન્ડ મીટીગેશન ટ્રેનિંગ સેન્ટર નું આયોજન

દરેક ઘર ઉપર ક્યુઆર ( QR ) કોડ લગાવવાનું આયોજન

શિક્ષણ સમિતિની શાળામાં પ્રથમવાર લેંગ્વેજ લેબ બનાવવાનું આયોજન 

70 વર્ષથી વધુ વયના લોકો માટે કિડની અને સુગર ફંકશનના ટેસ્ટ વિના મૂલ્યે થશે.

સ્મીમેરમાં રોબોટિક મશીનથી સર્જરી કરવાનું આયોજન

શિક્ષણ સમિતિની શાળાઓમાં સો ટકા સોલાર રૂફટોપ લગાવવાનું આયોજન

રોડ ઇન્સ્પેક્શન માટે ખાસ સેલની રચના કરવાનું આયોજન

Whatsapp મારફતે વિવિધ ટેક્સના નાણાં ભરવાની સુવિધા કરાશે

ત્રણ સખી બજાર બનાવવાનો આયોજન 

વર્કિંગ વુમન માટે હોસ્ટેલ બનાવવામાં આવશે 

દરેક ઝોનમાં રમત ગમતના મેદાનો તૈયાર કરાશે

સુરત મનપાના ઈતિહાસમાં અત્યાર સુધી સૌ પ્રથમવાર સૌથી મોટું 9603 કરોડનું ડ્રાફ્ટ બજેટ રજૂ કરાયું છે. સુરત શહેરમાં બ્રિજ બનાવવા માટે 130 કરોડની જ્યારે તાપી નદીના શુદ્ધીકરણ માટે 25 કરોડની જોગવાઈ કરવામાં આવી છે. આરોગ્ય માટે 9 કરોડ રૂપિયાની જોગવાઈ કરાઈ છે,જેમાં 50 બેડ હોસ્પિટલમાં વધુમાં વધુ સુવિધા ઉભી કરવામાં આવી રહી છે. 

આ ઉપરાંત બાળકો માટેની પણ ઓપીડી સૌથી વધુ ઉપયોગમાં આવી રહી છે. 50 બેડની હોસ્પિટલોમાં સર્જરી પણ ખૂબ મોટા પ્રમાણમાં થઈ રહી છે. મોડેલ ઇમ્યુનાઈઝેશન અંતર્ગત કામગીરી કરવામાં આવેલી છે.16 નવા હેલ્થ સેન્ટર કામ ચાલી રહ્યું છે. હેલ્થ એન્ડ વેલનેશ સેન્ટર માટે ખૂબ જ ઉપયોગી થઈ રહ્યા છે.

તો કે આ બધાની વચ્ચે વિશેષ વાત એ છે કે, સુરત એ દેશનું પ્રથમ શહેર બનશે જ્યાં તમામ BRTS બસ EV હશે. શહેરના સીટી બસ અને બીઆરટીએસ બસ માટે 2025-26 અંતર્ગત તમામ બસને ઇલેક્ટ્રીક બસમાં કન્વર્ટ કરવા માટે તૈયારી કરી રહ્યું છે. સુરત શહેર દેશમાં પ્રથમ શહેરબન્યું છે કે જે બીઆરટીએસ બસ 100 % ઇલેક્ટ્રિકલ દોડી રહી છે. દેશમાં એકમાત્ર શહેર છે કે જેની તમામ બીઆરટીએસ બસ ઇલેક્ટ્રીક દોડશે.

2035 સુધીમાં દૂષિત પાણીને 100 ટકા શુદ્ધ કરવાનો લક્ષ્યાંક છે. દૂષિત પાણીને શુદ્ધ કરવા માટે સુરત મહાનગર પાલિકા ખર્ચ કરશે. સુરત મહાનગરપાલિકાનું લક્ષ્ય છે કે વર્ષ 2035 સુધીમાં દૂષિત પાણીને શુદ્ધ કરી દેવાનો એટલે કે 100% શુદ્ધ કરીને ઔદ્યોગિક ગૃહોને આપવામાં આવશે.

તાપી નદીના શુદ્ધી કરણ માટે 25 કરોડની જોગવાઈ છે. સુરત શહેરમાંથી પસાર થતી તાપી નદીના શુદ્ધીકરણ માટે 25 કરોડની જોગવાઈ કરવામાં આવી છે

સુરતને ડાયમંડ નગરી ઉપરાંત સિલ્ક સીટી અને એથી વધારે વિશેષ ઓળખ તરીકે બ્રિજ સિટીની ઓળખ પ્રાપ્ત થઈ રહી છે ત્યારે સુરત શહેરમાં અલગ અલગ સ્થળો પર બ્રિજ બનાવવા માટે 130 કરોડની બજેટમાં જોગવાઈ કરાઈ છે.

ડુમસ સી ફેસ ડેવલપમેન્ટની પેકેજ 1 અને પેકેજ 2 અંતર્ગત કામગીરી કરવામાં આવશે. તેમજ અન્ય કામગીરી ફોરેસ્ટ વિભાગ દ્વારા કરવામાં આવનાર છે.જેના માટે 153 કરોડની જોગવાઈ કરવામાં આવી છે.